دور الشهيق و الزفير في عمليه حرق الدهون

يا تري الدهون بتتحول لايه لما نخسرها ؟

اولا : احنا بنزيد ف الوزن لما ناكل ويدخل جسمنا سعرات حرارية من الاكل والشرب زيادة عن الي احنا محتاجينه
السعرات دى
بتتحول لحاجة اسمها "triglycreids "عبارة عن مركب كيميائي مكون من كربون واكسجين وهيدروجين
المركب ده بيتحوش ف صورة دهون جوا الخلايا الدهنية ف جسمنا .

الموضوع بدأ مع عالم فيزيائي من استراليا اسمه "ruben meerman" ، الراجل ده نزل 15 كيلو من جسمه ، فلما خس واتخلص من الدهون ، حب يعرف ياتري الدهون دي راحت فين !
اتحولت لايه !!
قام عشان يعرف سأل 150 دكتور متخصص ، كانت اجابة 75% منهم ان الدهون بتتحول لي طاقة وحرارة  ، انما هو عشان راجل فيزيائي وفاهم كويس مقتنعش بالكلام ده ،وقال بكلام الدكاترة ده ، عملية حرق الدهون كده مخالفة لقانون  "بقاء الكتلة"  ،يبقي اكيد الكلام ده مش مظبوط .

راح اشترك مع مجموعة من علماء الكيمياء الحيوية وتوصلوا لنتيجة بحثية بتقول :

"ان 10kg دهون بتتحول الي 8.4kg ثاني اكسيد الكربون وده بيخرج اثناء عملية التنفس , و 1.6kg مياه ودي بتخرج ف العرق او البول او الدموع ,الخ"

والبحث ده وصلوا ليه بعد حساب العمليات والتفاعلات الي بتحصل اثناء تكسير الدهون

وكانت النتيجة بتقول :
عشان نحرق 10 kg دهون ,محتاجين نستنشق 29 kg اكسجين وف خلال التفاعل ده هيتطلعلنا 28kg ثاني اكسيد الكربون و 11kg ميااه, و هيتحرق 94,000 كالوري .

وبناء عليه فال "رئة" تعتبر العضو الاول والاكثر اهمية ال عن طريقه بنتخلص من الدهون ع هيئة co2 اثناء عملية الزفير

بس طبعا ده مش معناه ان اثناء الراحة وانت قاعد من غير مجهود هتقدر تتخلص من الدهون بسهولة لو اتنفست كتير.

لا
(لازم مجهود وتمارين عشان الكربون يتحرر و بالتالي الدهون تتكسر)

شاركه على جوجل بلس

عن Unknown